مه‌سرور بارزانى چه‌وه‌ڕيه‌يلێ له‌ به‌غدا و پروژه‌يگ وه‌ 500 مليار دينار ئاشكرا كرد

مه‌سرور بارزانى چه‌وه‌ڕيه‌يلێ له‌ به‌غدا و پروژه‌يگ وه‌ 500 مليار دينار ئاشكرا كرد
2019-10-17T20:08:40+00:00

شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، باس له‌وه‌ كرد هه‌رێم چه‌وه‌ڕێ جواوه‌يل خاسيگ ئه‌كا له‌ حكومه‌ت به‌غداى پايته‌خت.

 

بارزانى له‌ وه‌خت كردنه‌وه‌ى پرووه‌ى جاده‌ى "بارزان" له‌ شار دهۆك وت: له‌وه‌خت دامه‌زرانن حكوموته‌گه‌مان نيازه‌يل پاكيگ وه‌رانوه‌ر به‌غدا نيشان دايمنه‌و خوه‌ميش سه‌ردانى كردم وه‌ ئوميد ره‌سين ئه‌را چاره‌سه‌ره‌يليگ له‌باره‌ى دوسيه‌ى نه‌فت و غاز و بودجه‌ى پێشمه‌رگه‌و دوسيه‌يل تر، ك قاپيه‌يليگ له‌وه‌رده‌م حكومه‌ت عراقى واز كرديم و ئيمه‌يش چه‌وه‌رێ جواويگ جددى له‌لێ ئه‌كه‌يم له‌بان بنه‌ماى ده‌ستوور وه‌و جووره‌گ مافه‌يل ملله‌تمان له‌ هه‌رێم كورستان ده‌سه‌وه‌ر بكاو داوايش له‌ به‌غدا ئه‌كه‌م نه‌ف له‌ى ده‌رفه‌ته‌ وه‌ربگريم و گشت كيشه‌يليگ چاره‌سه‌ر بكه‌يم.

 

بارزانى جه‌ختيش له‌وه‌ كرد حكومه‌ته‌گه‌ێ دقه‌ت له‌بان پرووژه‌يل خزمه‌تگوزارى گه‌ورا ئه‌كا له‌ گشت ناوچه‌يل و شاره‌يل هه‌رێم كوردستان و 500 مليار دينار ئه‌را نزيكه‌ى 200 پرووژه‌ى خزمه‌تگوزارى ته‌رخان كردگه‌و له‌گشت ناوچه‌يل هه‌رێم جێوه‌جێ ئه‌كريه‌ێد.

Shafaq Live
Shafaq Live