ناوخوه‌يى كوردستان له‌باره‌ى رێ وشوون قه‌يه‌غه‌ى هاتوچوو له‌ جه‌ژن ئاشكراكردنيگ دا

ناوخوه‌يى كوردستان له‌باره‌ى رێ وشوون قه‌يه‌غه‌ى هاتوچوو له‌ جه‌ژن ئاشكراكردنيگ دا
2020-05-23T20:48:36+00:00

شه‌فه‌ق نيوز/ وه‌زاره‌ت ناوخوه‌يى له‌ حكومه‌ت هه‌رێم كوردستان، ئاشكراى ئه‌وه‌ كرد، ك رێ وشوونه‌يل قه‌يه‌غه‌ى ته‌واو هاتوچوو له‌ رووژه‌يل جه‌ژن جێ وه‌جى ئه‌كا له‌ سه‌عات 12ى ئمشه‌و شه‌ممه‌ له‌بان يه‌كشه‌ممه‌.

وه‌زاره‌ته‌گه‌ له‌به‌ياننامه‌ى شماره‌(36) ئه‌را ئاژانس شه‌فه‌ق نيوز وت: دوياى ده‌رچگن به‌ياننامه‌ى 35 وه‌رين و تايبه‌ت وه‌ ريگرى له‌ بڵاوبوينه‌وه‌ى ڤايرۆس كۆرۆنا له‌ هه‌رێم، وه‌زاره‌ته‌گه‌ بڕيار دا جيوه‌جى قه‌يه‌غه‌ى ته‌واو هاتوچوو بكا ئه‌را سه‌ياره‌و پياده‌ و رێ وه‌ جفتياره‌يل ئه‌دريه‌ێد له‌وه‌ر دره‌وكردن به‌رهه‌مه‌يليان و جيوازكردنى ئه‌را سايلۆيه‌يل.

به‌ياننامه‌گه‌ وت: ريگه‌يش وه‌ كۆمپانيايه‌يل په‌يوه‌ندى ئه‌ياد هاتوچوو بكه‌ن ته‌نيا له‌وه‌ر خاتر خاسه‌وكردن هێڵه‌يل په‌يوه‌ندى و ريگه‌يش وه‌ عه‌لوه‌يل ئه‌دريه‌ێد له‌وه‌ر فرووشتن به‌رهه‌مه‌يل كشتوكاڵى و رێ وه‌ سه‌وزه‌فرووشه‌يل ئه‌دريه‌ێد وه‌ سه‌ياره‌و بگه‌ردن وه‌ مه‌رج پابه‌ندبوين وه‌ رينمايه‌يل ته‌ندروستى.

به‌ياننامه‌گه‌ وت: رێ وه‌ نانه‌واخانه‌و سه‌مونخانه‌يليش ئه‌دريه‌ێد واز بكه‌ن له‌ سه‌عات شه‌ش شه‌وه‌كى تا دوانزه‌ى نيمه‌ڕو، وه‌ل ريگداين وه‌ كارمه‌نده‌يل ده‌زگايه‌يل ره‌سانن ئه‌را ئه‌نجامداين ئه‌ركه‌يليان له‌ رووژه‌يل جه‌ژن.

Shafaq Live
Shafaq Live