نێچيروان بارزانى چه‌ن په‌ياميگ وه بوونه‌ى شۆرش گوڵانه‌وه بڵاوكرد
شه‌فه‌ق نيوز/ نێچيروان بارزانى جيگر سه‌رۆك پارت ديكوكرات كوردستان، ياد 44ه‌مين ساڵياد شۆڕش گوڵان كرد.
شۆرش گوڵان وه سه‌رۆكايه‌تى پارت ديموكرات كوردستان له 26 ئايار/ مايۆ 1976 دژ رژيم به‌عس وه‌رين ده‌سوه‌پيكرد و له سه‌ره‌تاوه دقه‌ت كرد ناوچه‌يل مه‌رزێ له‌ناونى توركيا و هه‌رێم كوردستان.
بارزانى له به‌ياننامه‌يگ ئه‌را ئاژانس شه‌فه‌ق نيوز، وت: وه‌رجه 44 ساڵ شۆرش گۆڵان وه سه‌ركردايه‌تى پارت ديموكرات كوردستان ده‌سوه‌پيكرد و دريژه دا شۆڕش ئه‌يلوول گه‌ورا، وه وره‌يگ به‌رز و متمانه وه نيشمان و له‌ديديگ تازه‌ى شۆڕشكارانه.
بارزانى وت: یادكردنه‌وه‌ى شۆڕش گوڵان ريزگرتنه له خه‌بات ملله‌ت و كۆشش و شه‌كه‌تبوين پێشمه‌رگه‌يل قاره‌مان و ده‌رخستن ستایش و ئه‌مه‌كدارى ئه‌را خوين پاك شه‌هیدان و خانه‌واده‌يل سه‌ربه‌رزیان.
بارزانى يه‌يش وت: ياد شۆڕش گوڵان ك گرده‌وكه‌ر هيزه‌يل نیشتیمانی و ئه‌زموونييگ سه‌ركه‌فتگ كار و خه‌بات ده‌سه‌جه‌مى لاينه‌يل كوردستانييه‌و به‌ره‌ى كوردستانى له‌ليه‌و دروس بوێ، بايه‌سه هانده‌ر بته‌ويگ بدێ ئه‌را هه‌ميشه تازه‌بوينه‌وه‌و كۆشش نيشتمانيه‌مان، متمانه‌ی كوردستانيه‌يل وه په‌یام و ئامانجه‌يل شۆڕش، پشتیوانیيگ گه‌وره بوى ئه‌را گه‌شه‌سه‌ندن و وه‌هيزبوين له ماوه‌ی كه‌ميگ وه ئيراده‌يگ پوڵايينه‌وه.
بارزانى هه‌ميش وت: هه‌ناى ك ياد شۆرش گۆڵان ئه‌كه‌يم، له نواترين ئه‌رك و وه‌رپرسيارێتى گشت لايه‌ن و پيكهاته‌يل كوردستانى، كاركردن وه‌رده‌وامه ئه‌را پته‌وكردن يه‌كڕزى و متمانه و گيان لێبورده‌يى و يه‌كتر قه‌بولكردن و باوه‌ڕبوين وه بنه‌ماى كار هاوبه‌ش و زاڵبوين له‌بان گشت ئه‌و سه‌ختى و قه‌يرانه‌يله ك روێ وه‌ڕويمان بوونه‌وه، وه‌ل ئه‌وه‌يشا ئه‌را پاراستن ده‌سكه‌فته‌يل خه‌بات و قوربانيدان ملله‌ته‌گه‌مان و مسۆگه‌ركردن ئاينده‌يگ گه‌شتر.
