وڵات چیک کاروانەیل ئاسمانیی ئەرا فڕۆکەخانەی ناودەوڵەتی هەولێر کل کەێد

شەفەق نیوز/ قونسوڵخانەی گشتی چیک لە هەولێر پایتەخت هەرێم کوردستان، ئمڕوو، وەڕیخستن کاروانەیل ئاسمانی هەفتانە لە براگ ئەرا هەولێر و وەپیچەوانەیش راگەیان، وباس پیشکەشکردن ئاسانکاری ئەرا وەرگردن ڤیزا لەلایەن هاووڵاتییەیل هەرێم ئەرا وڵاتەگەی کرد.

کاریل کورتانیک قونسڵ گشتی چیک لەلای هەولێر لە کۆنگرەیگ رووژنامەوانی هاوبەش وەگەرد کۆمپانیای فلای هەولێر وت: کاروانەیل ناوبەین هەولێر و براگ گشت رووژیگ دووشەمە لە هەفتەگە خریەێدە ری.

لەباوەت فیزا ئەرا وەناوچگن وڵاتەگەی، قونسڵ چیک وت: فەرمانگەگەی گشت ئاسانکارییگ ئەرا هاووڵاتییەیل هەرێم کوردستان پیشکەش کەێد تا بچنە ناو وڵاتەگەی.

ئەوسا تەنیا وەڕی ترانزێت هاووڵاتییەیل هەرێم ئەرا توەنستیان بچنە چیک، باوجی وازکردن ئی کڕ ئاسمانیە، ری دەێد تا راستەوخۆ بچنە ئی وڵات ئەوروپاییە.