وە ئامادەبوین نێچیروان بارزانی.. هاوپەیمان ئیدارەی دەوڵەت گردەوبوینیگ گرنگ ئەنجام دەێد
سەرچەوەیگ سیاسی ئاگادار ئەرا ئاژانس شەفەق نیوز وت: دیدارەگە باسکردن لە بڕیگ باوەت سیاسی و ئەمنی لەناوی بوود.
وەرجەیە، دڵشاد شهاب قسەکەر سەرۆکایەتی هەرێم کوردستان، رووژ چوارشەممەی گوزەشتە، راگەیان کە نێچیروان بارزانی سەرۆک هەرێم کوردستان ئەوەسا وەی نزیکە سەردان بەغداد کەێد ئەرا ئامادەبوین لە خولیگ گردەوبوین هاوپەیمانی ئیدارەی دەوڵەت.
لە سەرەتای مانگ نیسان، نێچیروان بارزانی سەرۆک هەرێم کوردستان سەردانیگ ئەرا بەغدای پایتەخت ئەنجام دا، و لەناوی وەرد عەبدولەتیف رەشید سەرۆک کۆمار عراق، محمد شیاع سودانی سەرۆک وەزیرەیل فیدڕاڵی، گردەو بوی، و بەشداری لە گردەوبوین هاوپەیمان وەڕیەوبردن دەوڵەت و چوارچبوەی هەماهەنگی کرد.
سەرۆک نێچیروان بارزانی لەو سەردانە، باس ریەیل چارەکردن گیچەڵەیل ناوەین هەولێر و بەغدا و رەوش سیاسی عراق و هەرێم کوردستان وەگەڕ بڕیگ باوەت تەرەک کرد.
