وینە... ڤیستیوال ساڵانەی زانکۆی جیهان لە سلێمانی دەسوەپی کەێد
2023-10-21T09:27:24+00:00
شفق نيوز/ زانکۆی جیهان لە پارێزگای سلێمانی، ئمڕوو شەممە، دەسکردە ڤیستیوال ساڵانەی وە بەشداریکردن شمارەی گەورەیگ لە خوەنەوار و کۆمپانیایەل تایبەت، وە ئامانج ئامادەکردن خوەنەوار ئەرا بازاڕ کار.
دەسمیەتیدەر سەرۆک زانکۆی جیهان، دکتۆر بەمۆ پەرویز عەزیز وە ئاژانس شەفەق نیوز وت، وە بەشداریکردن شمارەی گەپیگ لە خوەنەوارەیل زانکۆی جەهان لە سلێمانی شەوەکی ئمروو دەسکریا وە چالاکیەیەی ساڵانەی خوەنەوارەیل زانکۆ"، وتیش " پێشانگاگە بەرهەمەیل زانستی رووشنهویری هونەری و ئەدەبی خوەنەوارەیل گرێدەخوەی وەگەرد کارەیل دەسڕەنگینی وەئامانج ئامادەکردنیان ئەرا بازاڕ کارکردن".
عەزیز وتیش، " هەمیش لە ڤیستوالەگە شمارەی گەپیگ لە کۆمپانیایەیل ناوخوەیی و کراکارەیل کەرت تایوەت بەشداریکردنە وە ئامانج هاوکاریکردن ناوەین خوەنەوار زانکۆ و ئەو کۆمپانیایەیلە ئەرامسۆگەرکردن کار ئەرا خوەنەوارەیل لەدویای دەرچگنیان لە زانکۆ و سوود وەرگردن لە ئەزموونەیل کارکردنیان".
