وه ٣٠٠ مەلیۆن دۆلار هەولێر دەسکەێدە پڕۆژەی ئاو خواردن
شەفەق نیوز/ ئمڕوو پەنجشەممە، هەولێر پایتەخت هەرێم کوردستان دەسکردە پڕۆژەیگ ئەرا رەسانن ئاو خواردن وە ژمارەیگ لە گەڕەک وئاوایەگان وه بایی ٣٠٠ مەلیۆن دۆلار.
فرسەت سوفی پارێزگار هەولێر لە کۆنگرەیگ رۆژنامەوانی ئاژانس شەفەق نیوز ئامادەی بوی وت: پارێزگاگە دەسکردە پڕۆژەیگ بایی ٣٠٠ مەلیۆن دۆلار ئەرا رەسانن ئاو خواردن وە ژمارەیگ لە گەڕەکەگان قەزای رەواندووز و ئاوایەگانی.
سوفی دووپاتکرد؛ خوازیمن ئی پڕۆژە کۆتایی وە زیان ناوچەگە لە ئاو خواردن بارێد، وئاماژەکرد ئەرا چاڵکەنین ٢٤ بیر لە هەولێر و دەورگردی ئەرا چارەسەرکردن گرفت ئاو.
سوفی وتیش: پارێزگاگە ٣٠٠ مەلیۆن دۆلار لە قەرزە یابانیەگە گلەودا وئەوەسا تەرخان کریەێد ئەرا چارەسەرکردن گرفت ئاو قورس لە ناوەند شار هەولێر، و دووپاتکرد ک ئیمە قەیران دارایی سەختیگ دوینیمن، وەلی وەگەرد ئەوەیش کارکەێمن لە پێشکەشکردن پڕۆژە خزمەتگوزاریەگان ئەرا هاووڵاتیەیل وەگورەی توانا.
