په‌رله‌مان كوردستان جه‌خت له‌ هه‌مواركردن چه‌ن ياسايگ كاروه‌پيكرياێ له‌ عراق كرد

په‌رله‌مان كوردستان جه‌خت له‌ هه‌مواركردن چه‌ن ياسايگ كاروه‌پيكرياێ له‌ عراق كرد
2019-10-22T19:08:03+00:00

شه‌فه‌ق نيوز/ ده‌سه‌ى سه‌رۆكايه‌تى په‌رله‌مان هه‌رێم كوردستان وه‌ سه‌رۆكايه‌تى رێواز فايه‌ق سه‌رۆك په‌رله‌مان و هێمن هه‌ورامى جيگر سه‌رۆك و مونا نه‌بى قاوه‌چى سكرتێر په‌رله‌مان, پيشوازى له‌ شانديگ باڵا له‌ ئه‌نجومه‌ن شورا له‌ هه‌رێم كوردستان كرد ك پيكهات له‌ ياسين حه‌مه‌د ئه‌ين و شماره‌يگ له‌ راوێژكاره‌يل ئه‌نجومه‌نه‌گه‌.

 

له‌و ديداره‌ باس له‌ كار و ئه‌ركه‌يل ئه‌نجومه‌ن شورا كرياو جه‌ختيش كريا له‌بان گرنگى هاريكارى هاوبه‌ش و وه‌رده‌وام له‌ناونى په‌رله‌مان كوردستان و ئه‌نجومه‌ن شورا له‌ هه‌رێم، بيجگه‌ تاوتوێكردن دوسيه‌يل ته‌شريعى و چاره‌سه‌ر ناكووكيه‌يل ياسايى.

 

جى باسه‌، هه‌ر له‌و ديداره‌ ئاماده‌بويه‌يل ئاماژه‌ وه‌ كيشه‌يل ياسايى كردن له‌ هه‌رێم كوردستان و عراق و جه‌ختيش له‌بان خواست هه‌مواركردنه‌وه‌ى شماره‌يگ ياساى كاروه‌پيكرياێ ريا له‌وه‌ر نه‌گونجيانى وه‌ بارودوخ ئيسه‌ له‌ عراق و هه‌رێم.

Shafaq Live
Shafaq Live