په‌نج حاڵه‌ت تازه‌ى تويشهاتن وه كۆرۆنا له سلێمانى تۆمار كريا
2020-03-15T19:26:25+00:00
شه‌فه‌ق نيوز/ وه‌زاره‌ت ته‌ندروستى له حكومه‌ت هه‌رێم كوردستان، ئاشكراى ئه‌وه كرد په‌نج حاڵه‌ت تر تازه‌ى تويشهاتن وه ڤايرۆس كۆرۆنا COVID-19 له پاريزگاى سلێمانى تۆمار كرياگه.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: له‌ئه‌نجام وه‌رده‌وامى وشكانن و تاقيكردن كه‌سه‌يل گومانليكرياێ له‌باره‌ى تويشهاتن وه ڤايرۆس كۆرۆنا، تيمه‌يل ته‌ندروستى له‌شار سلێمانى په‌نج حاڵه‌ت تر تازه‌ى تويشهاتن وه ڤايرۆسه‌گه تۆمار كردنه.
به‌ياننامه‌گه وت: ئه‌و حاڵه‌ته‌يله ئه‌را دو برا و دو برارزا بويه ك ئمڕوو ئاشكرا كريانه وه‌ل يه‌كيگ له قه‌ومه‌يليان و خوه‌يشگيگى ك زويتر له‌ئمڕوو ئاشكراى مردنى كريا، ك يه‌يش شه‌شه‌مين حاڵه‌ته له سلێمانى ئاشكرا كريا.
