سه‌رچه‌وه‌يگ باس ريككه‌فتن ساڵح وه‌ل هيزه‌يل سياسى ئه‌كا له‌بان هه‌ڵوژاردن و لاوردن په‌رله‌مان

سه‌رچه‌وه‌يگ باس ريككه‌فتن ساڵح وه‌ل هيزه‌يل سياسى ئه‌كا له‌بان هه‌ڵوژاردن و لاوردن په‌رله‌مان
2019-10-31T09:36:04+00:00

شه‌فه‌ق نيوز/ سه‌رچه‌وه‌يگ ئاگادار وت: ده‌مه‌و شه‌وه‌ك ئمڕوو به‌رهه‌م ساڵح سه‌رۆك كۆمار عراقى دانيشتنيگ وه‌ل هيزه‌يل سياسى شيعه‌و سونى ئه‌نجام داگه‌.

 

سه‌رچه‌وه‌گه‌ وت: ئه‌و دانيشتنه‌ ك هه‌ر يه‌ك له‌ ساڵح و هاوپه‌يمان فه‌تح و ئئتلاف ده‌وڵه‌ت ياسا و هاوپه‌يمانى سائرون و ئئتلاف حكمه‌و ئئتلاف نه‌سر و هيزه‌يل سنى گرته‌سه‌ خوه‌ى، چه‌ن ريككه‌فتنيگ له‌تى كرياگه، له‌وانه‌يش هه‌مواركردن ياساى هه‌ڵوژاردنه‌يل و ئاڵشتكردن كۆمسيۆن باڵاى سه‌روه‌خوه‌ى هه‌ڵوژاردنه‌يل و لاوردن ئه‌نجومه‌ن نوێنه‌ره‌يل عراقى و داواكارى ئه‌را ئه‌نجامداين هه‌ڵوژاردن پيشوه‌خته‌ وه‌گووره‌ى واده‌ى دياريكرياێ.

 

سه‌رچه‌وه‌گه‌ يه‌يش ده‌رخست ك ئاماده‌بويه‌يل جياواز بوينه‌ له‌ناونى ده‌سله‌كاركيشانه‌وه‌ى عادل عه‌بدولمه‌هدى سه‌رۆك وه‌زيره‌يل له‌ حاڵ حازر له‌وه‌ر نه‌گونجيان بارودوخه‌گه‌و ده‌سله‌كاركيشانه‌وه‌ى ك بخريه‌ێده‌ ژير ده‌س په‌رله‌مان تا وه‌ختيگ جيگره‌وه‌ى دوينيه‌ێده‌و.

Shafaq Live
Shafaq Live