عه‌له‌وی: سه‌ردان مالكی ئه‌را هه‌ولێر لاوازكردن پايه‌ی به‌غدا بوی
عه‌له‌وی له‌باسيگ ئه‌را (شه‌فه‌ق نيوز) وت: گام مالكی گاميگ پياو ده‌وڵه‌ته‌و من خوه‌شاڵ نيم وه ده‌سپيشخه‌ريه‌گه‌ی حه‌كيم ك سياسيه‌يل نا يه‌كه‌و، به‌ڵكوو بايه‌سه سه‌ركرده‌ی سياسی خوه‌ی ئی ده‌سپيشخه‌ريه بكرديادو له‌وه‌رچه سه‌رۆك ئه‌نجوومه‌ن نوێنه‌ره‌يل نه‌چی ئه‌را لای سه‌رۆك حكوومه‌ت و ئه‌راچه سه‌رۆك حكوومه‌تيش نه‌چی وه‌ره‌و لای سه‌رۆك ئه‌نجوومه‌ن نوێنه‌ره‌يل، چوينكه په‌يوه‌ندی ئه‌وان خودی نييه‌و وجووديان په‌يوه‌سه وه ئيراده‌ی ده‌نگده‌ره‌يليان.
عه‌له‌وی هه‌ميش وت: سه‌ردان مالكی ئه‌را هه‌ولێر مانای ئه‌وه ره‌سنيد ك هه‌رێم به‌شيگه له عراق و هويچ كيشه‌يگ نييه ده‌سپيشخه‌ری يه‌كه‌م له بارزانيه‌و ده‌س وه‌پی بكا وه ئه‌وه‌ك سه‌رۆك هه‌رێمه، وه‌لی له‌وه‌ر ئه‌وه‌ك پايه‌ی به‌غدا كزه‌و نه‌وياتاد بايه‌س بوی دانيشتن يه‌كه‌م له به‌غدا بوياتاد و دوياخر له هه‌ولێر دانيشتن دويه‌م ساز بكرياتاد.
عه‌له‌وی له دريژه‌ی قسه‌يلی وت: بايه‌سه رێككه‌فتنه‌يل له به‌غدا بوياتادو چگن مالكی ئه‌را هه‌ولێر كيشه‌يگه‌و زه‌ره‌ده ئه‌را پايه‌ی به‌غدا له تاريخ و له‌هه‌مان وه‌خت مالكی هه‌وڵ خاسه‌وكردن ئه‌و كيشه داگه‌و ئی جووره ديداره‌يله شايه‌ت متمانه‌يگيش دروس بكا له‌ناونی مالكی و بارزانی.
ج . أ
