كاره‌با وشدارى ئه‌ياد له كوشيانه‌وه‌ى ته‌واو تووڕ نيشتمانى
شه‌فه‌ق نيوز/ وه‌زاره‌ت كاره‌با هووكاره‌يل كه‌مه‌وبوين قه‌واره‌ى وه‌پيداين وزه له به‌غدا و چه‌ن پاريزگايگ تر ناوڕاس عراق برده‌و ئه‌را كيشه‌ى ته‌كنيكى له چه‌ن ويستگه‌يگ وه‌به‌رهاوردن و خاسسازى ده‌ورى له شماره‌يگ له يه‌كينه‌يل
وه‌زاره‌ته‌گه له هه‌مان وه‌خت وشدارييش دا له ده‌رئه‌نجامه‌يل وسيان وێستگه‌ى زوبێدى حه‌رارى ك وه 2540 ميگاوات سيسته‌مه‌گه پڕه‌و ئه‌كا وه‌بوونه‌ى نه‌ڕه‌سين سووزه‌مه‌نى ئه‌راى له‌وه‌ر ئه‌وه‌گ له‌لايه‌ن خوه‌ينيشانده‌ره‌يله‌و موحاسره كرياگه.
له‌و باوه‌ته‌و، ئه‌حمه‌د عه‌بادى قسه‌كه‌ر وه‌ناو وه‌زاره‌ته‌گه له لێدوانيگى ك له‌لايه‌ن رووژنامه‌ى سه‌باح نيمچه فه‌رمييه‌و بڵاو كريا وشدارى دا له بڕيان ته‌واو كاره‌با و وه‌پيداين كاره‌با وه شيوه‌ى كه‌ميگ وه هاووڵاتيه‌يل له به‌غدا و پاريزگايه‌يل تر ناوڕاس جوور دياله و بابل.
