هه‌رسێ سه‌رۆكايه‌تى‌: په‌لامارداين حه‌شد په‌لاماردان عراقه‌و دويرخستنيه‌ له‌ له‌ناوبردن داعش

هه‌رسێ سه‌رۆكايه‌تى‌: په‌لامارداين حه‌شد په‌لاماردان عراقه‌و دويرخستنيه‌ له‌ له‌ناوبردن داعش
2019-08-26T17:31:51+00:00

شه‌فه‌ق نيوز/ هه‌رسێ سه‌رۆكايه‌تيه‌گه‌ى عراق، دانشتنيگ وه‌ل فالح فه‌ياز سه‌رۆك ده‌سه‌ى حشد شه‌عبى و شماره‌يگ له‌ سه‌ركرده‌يلێ ئه‌نجام دان.

 

وه‌گووره‌ى به‌ياننامه‌ى سه‌رۆكايه‌تى كۆمار، له‌و ديداره‌ جه‌خت له‌بان ئه‌و ده‌سدريژيه‌يله‌ كريا ك له‌ى دوياخره‌ ئه‌را بان حه‌شد شه‌عبى ئه‌نجام دريا، ك له‌لايگه‌و هه‌وڵيگه‌ ئه‌را كيشانن و دويرخستن حه‌شد و سيستم وه‌رگرى نيشتمانى له‌ رۆڵگرنگ وه‌رده‌وام وه‌خاتر له‌ناوبردن پاشماوه‌يل داعش و قورتاربوين يه‌كجارى له‌ تيرۆر و مه‌ترسيه‌يلێ دژ عراق و وڵاته‌يل ناوچه‌گه‌و جه‌هان، ك يه‌يش كاريگه‌ دوشمنانه‌و عراق ئه‌گرێده‌ ئامانج، ك له‌تى عراق له‌ڕێ حكومه‌ت و گشت كه‌ناڵه‌يل كارا و ريكخرياگه‌يل ناوده‌وڵه‌تى و هه‌رێمى گشت رێ وشوونه‌يليگ ئه‌گرێده‌ وه‌ر ئه‌را جواودانه‌وه‌و وه‌رگرى له‌ عراق و ئاسايش و سه‌روه‌ريه‌گه‌ێ.

 

به‌ياننامه‌گه‌ يه‌يش ده‌رخست ك ئاماده‌بويه‌يل له‌و ديداره‌ جه‌ختيش له‌بان گرنگى دقه‌تكردن له‌ ئامانج بنه‌ڕه‌تى كردنه‌ ك خوه‌ێ له‌ له‌ناوبردن تيرۆر و پاككه‌وكردن گشت خاكه‌يل عراق له‌ پاشماوه‌يل ئه‌و ريكخرياگ تيرۆريستيه‌ دوينێده‌و، جه‌ختيش له‌وه‌ كردنه‌ ك سه‌روه‌رى عراق و سه‌ڵامه‌تى رووڵه‌يلێ هێڵ قرمزه‌و ده‌وڵه‌ت مقه‌يتيكردنيان ئه‌گرێده‌ خوه‌ى وه‌رانوه‌ر هه‌ر په‌لاماريگ.

Shafaq Live
Shafaq Live