"ته‌قه‌"ى سوير قه‌يه‌غه‌ كريا له‌ى وڵاته‌

"ته‌قه‌"ى سوير قه‌يه‌غه‌ كريا له‌ى وڵاته‌
2018-10-27T07:25:00+00:00

شه‌فه‌ق نيوز/ سليمان سويلو وه‌زير ناوخوه‌يى توركى بڕياريگ ده‌ركرد و له‌تى قه‌يه‌غه‌ى ته‌قه‌كردن كرد له‌ ئاهه‌نگه‌يل سويركردن و وت: ئى ديارده‌ كاره‌ساته‌يل خراويگ له‌لى ئه‌كه‌فێده‌و.

 

له‌ى باوه‌ته‌و، رووژنامه‌ى حوڕيه‌ت توركى وت: سويلو داوا له‌ وه‌رپرسه‌يل 81 پاريزگايه‌يل كردگه‌ له‌ وڵاته‌گه‌ زه‌مانه‌ت ئه‌را ته‌قه‌نه‌كردن له‌ سويره‌يل پيشكه‌ش بكه‌ن، به‌ڵكوو له‌ بوونه‌يل تر كۆمه‌ڵايه‌تى و روێداگه‌يل وه‌رزشييش ك ساز ئه‌كريه‌ێد له‌ توركيا.

 

جى باسه‌، چه‌وه‌ڕێ ئه‌وه‌يش ئه‌كريه‌ێد سزايش ده‌ربكريه‌ێد ده‌رهه‌ق ئه‌و كه‌سه‌يله‌ ك سه‌رپيچى له‌ى بڕياره‌ ئه‌كه‌ن.

Shafaq Live
Shafaq Live