روزگار لەناوی وەرەو دویا چوود.. ناسا نهێنی گەردون شانوەشان ئاشکرا کەێد

شەفەق نیوز/ دیارە ک گەردون هیمان فرە لە نهێنیەیل شارێدەو، ک وەگەرد وەختەو خوەی ئاشکرا کەێد.
زانایه‌یلیگ لە ئاشکراکردن گەردونیگ شانوەشان جهانمان سەرکەفتن، ورێنمای فیزیک یەکجا جیوازە لەناوی. لە گامیگ ک شایەت فرە هاوکاربوود ئەرا ئەوە ک لە بەشیگ نهێنی گەردون وژیان بڕەسیمنەو، تایبەت وەگەرد گەشەکردن گەورای تەکنۆڵۆجی، لە باوەتەیل جیاجیا، رۆژنامەی دەیلی ستار بریتانی ئاشکرا کرد ک زانایه‌یلیگ لە ئاژانس ئاسمانی ئەمریکی ( ناسا) توێەنستن بڕەسنە بەڵگەنامەیلیگ لەباوەت بوین گەردونیگ شانوەشان جهانمان، ک روزگار لەناوی وەرەدویا چوود، ویاسایل فیزیکی وەپێچەوانەی ئەوەی ک هالای ئیمە ، کۆنتڕۆڵی کەێد،.
دەیلی ستار دیاری کرد ک ناسا لە مینەی تیشک گەردونی، لاشەیلیگ دیەو ک شایەت لە دەیشت جهانمان بوود، وتیش؛ ناسا باڵۆنیگ زەبەلاح وەکارهاورد، ئاێەرڵی هەڵگرێد لەبان کیشوەر جەمسەر باشووری، کە لەولا کارەگەری ژاوەژاو رادیۆیی نیە لەبان ئەنجامەگان.
زاناگان دین ک لەولا هەوایگ وەردەوام هەڵتیەێد لە تەنۆلەیل وزەدار، لە بۆشایی دەیشتەکی تیەێد، بڕیگیان وزەگەی ملیۆن جار وەهێزترە لە هەر وزەیگ لەبان زەوی، زاناگان وتن؛ تەنۆلە کەم وزەگان (نیۆتڕۆن) توینێد وەناو زەوی رەدبوود، بەڵکم تەنۆلە وزە بەرزەگان پیکهاتە سەختەگان بان زەوی وسنێدەیان.
دەیلی ستار ئاماژە دا ک تەنۆلە وزە بەرزەگان ئاشکرا نیەوون، مەگەر لە بووشایی دەیشتەکی داوەزێد، وتیش ک ئاشکراکردن گەردیگ قورستر ( نیۆتەر تاو) هەنای لەزەوی دەرچوود، واتە ک ئی تەنۆلەیلە وەرەودویا ری کەن، ک بوودە بەڵگەنامەیگ ئەرا بو‌ین گەردونیگ شانوەشان.
روژنامەی ( نیۆیۆرک تاو) لە زوان گۆڕهام ک سەرپەرشتیار گشتیە لەبان تۆێژینەوەگە، نویسان ک تەنیا یەک ری ک هیلێد تەنۆلەگان وەی شیوە رەفتار بکەن، ئەوەسە ک ئاڵشتەو بوون ئەرا شیوەیگ جیواز لە تەنۆلەگان، ئەویش وەرجە رەدبوینی وەناو زەویەو ئیجا چینەوەی یەکجاتر.
گۆرهام ک زانای فیزیکیە لە زانکۆی هاوای، هەمیش وت؛ گشتمان ئارام نەویمن ئەرا ئەو بۆچونە، وئاماژە دا ک رەسینەوە ئاسانەگە ئەرا ئی دیدارە، ئەوەسە ک لەمەوقەی تەقینەوە گەوراگە، وەرجە ١٣،٨ میلیار ساڵ، دوو گەردون دروسبوی، یەکیگیان ئی جهان خوەمانە، ئەوەکەیش روزگار لەناوی وەرەودویا چوود.