زیرەکی دەسکرد گووگل ماپ زیای کەێد

گووگل لە بەیاننامەیگ ئۆنلاین، باس لە تایبەتمەنی (Immersive View for Routes) کرد، کە  یەکەمجار لە کۆنفرانس گووگڵ ئای ئۆ لە سەرەتای ئمساڵ ئاشکەرایکردیە، تایبەتمەنیەگە ری دەێد وە جویریگ جیاواز و راستەقینە بنووڕنە دیمەنەیل.

ئاشکەرایکرد، تەکنیکەیل زیرەکی دەستکرد وەکارتیەرێد ئەرا تێکڵاکردن ملیارەها دیمەن جادە و وینەی ئاسمانی تا  وەکارهێنەر بتوەنێد سیمای راستەقینەی ئەو شوینەیلە بزانێد  سەردانیان کەێد.

بڕیارە ئێ هەفتە تایبەتمەنی (Immersive View) لە شارەیل ئەمستردام، بەرشەلۆنە، دبلن، فلۆرانس، لاس ڤێگاس، لەندەن، لۆس ئەنجلۆس، میامی، نیویۆرک، پاریس، سانفرانسیسکۆ، سان خۆسێ، سیاتڵ، تۆکیۆ، و ڤێنیز، ئەرا وەکارهاوەرەیل مۆبایل هەردگ سیستەم ئەندرۆید و ئای ئۆ ئێس وەردەس بوود.

بێجگە لەو تایبەتمەنیە، گووگڵ تایبەتمەنی (Lens in Maps) زیایکردیە، کە دەسمیەتی وەکارهاوەرەیل دەێد کامیرای مۆبایل لە خزمەتگوزاری گووگڵ ماپ مینەبکەێد.