گەنجیگ ئەمریکی داوای یاسایی لەبان 27 ژن توومارکەێد
2024-01-23T09:04:24+00:00
شەفەق نیوز/ گەنجیگ ئەمریکی 32 ساڵان وە ناو نیکۆا دی ئامبرۆسیۆی داوەی قەرەبوو 75 ملیۆن دۆلار کردیە لە وەرانوەر ئەو کۆمێنتە نەرینیەیلە لەبانو وینە بڵاوبویەگانی نوسریایە کە لە گروپیگ پەیوەنی دوسی لە تووڕ کۆمەڵایەتی فەیسبووک بڵاوبویە.
وەپای "صحافة 24 نت" لە سکاڵای دی ئەمبرۆسیۆ هاتیە "تومەتبارەیل و بەڕێوەبەرەیل گروپەگە و ئەو کۆمپانیایە کە خاوەن سۆشیال میدیاگەس، دروی بی بنەما لەدژی ڵاوکردنە و ئەوەگ ئەوان کردنەسێ پیچەوانەی یاسا بویە و لە کۆمەڵگەیگ شارستانی قبوول نیەکرێد".
دی ئامبرۆسیۆ باس لەوە کەێد وینەیلی لە گرووپ فەیسبووک بڵاوکردیە، باوجی کۆمێنت نەرێنی فرەیگ ئەرای نویسریایە بویەسە مدوو ئازار دەروینی و ناڕەحەتی ، پارێزەگەی راگەیاند، داوای یاسایی وەبان 27 ژن توومارکردیە داوای قەرەبووی 75 ملیۆن دۆلار کەێد.
