هونه‌رمه‌نديگ له‌وه‌ر نه‌داری ئی كاره ئه‌كا...وه ڕه‌سم بوينه‌ی
هونه‌رمه‌ند عه‌بدولڕه‌زاق عه‌بدوڵڵا له كورته باسيگ خوه‌ی ك(شه‌فه‌ق نيوز)ئاگاداری بوی وت: من خاوه‌ن سێ مناڵم و له كرايه نيشتمه و ته‌نيا ٢٨٠ هه‌زار مانگانه پويل خانه‌نشينی ديرم و ئه‌را داين كرا ماڵ بايه‌سه فيشتر ٢٠ هه‌زار قه‌رز بكه‌م.
هونه‌رمه‌ند ناوبرياگ هه‌ميش وت: ناچاری له‌يوا وه‌پيم كرد له‌وه‌رده‌م چايخانه‌يگ له شاره‌گه چه‌ن كه‌سيگ پويل دانه‌پيم تا هه‌وه‌جه‌يل سووبغكردن كه‌وش وه‌پی بسينم و ئيسه‌يش ئه‌را ماووه‌يگه ده‌سكردمه‌سه سبووغكردن كه‌وش له‌وه‌ر ناچاری و ده‌سكه‌فتن بڕه پويليگ تا به‌شكه‌م ژيان ماڵ ومناڵم وه‌پی دابين بكه‌م.
جی باسه، ئی هونه‌رمه‌نده ئه‌ندام سه‌نديكای هونه‌رمه‌نده‌يل كوردستانه‌و له‌چه‌نه‌ها بورا هونه‌ری و نمايش و دراماو فيلم ته‌له‌فزيۆنی به‌شداری كردگه‌و دويا كار هونه‌رييشی فيلم "عسور جه‌به‌ل"بويه ك نه‌خش سه‌ربازيگ عوسمانی ديه.
ج . أ
