پویچەڵکردن کوینترین فیستواڵ سینەمایی لە تورکیا لەوەر فیلمیگ دیکۆمینتی لەبان تەقەلای کودەتای ٢٠١٦
موحییدین بوجاک سەرۆک شار ئەنتالیا راگەیان: فیستواڵ سینەمایی پرتەقاڵ تەڵایی لە شارەگە پویچەڵ کریا، دویای یەک رووژ لە دەکیشان وەزارەت رووشنهویری و گەشتوگوزاری تورکیا لە پاڵپشتیکردن فیستواڵەگە.
وەزارەتەگە ناڕەزایی لە فیلم (یاسای حکمو) دا، کە فیلمیگ دیکۆمینتاریە دەسنشان ئەو سەختیەیلە کەێد کە کەفێدە وەر مامووستایگ و پزشکیگ کە لە کاریان دەرکریانە، لەدویای تەقەلای کودەتا لە تورکیا لە ٢٠١٦.
وەزارەت رووشنهویری لە بەیاننامەیگ وت: کاریگ فرە خەفەتبا کە لەیجویر فیستواڵیگ گرنگ، هان هونەر ئەرا پرۆپاگەندە لە بەرژەوەنی ریخریاگ تیرۆرست (ئێف ئی تی ئۆ) فەتحوڵڵا گولەن لە نشاندانیجگگ جویر قوربانی وەکار باێد.
وەزارەتەگە وتیش: خوەی نیەکەێدە بەشیگ لەو تەقەلا ئەرا بەدناوکردن ئەو خەبات ئەفسانەییە کە نەتەوەمان لە پاژنەی یولیو جیوەجیی کرد، و هونەر جویر چشتیگ چزدەر باێدە کار.
