ڕويداگ دەسدريژی كردنه‌بان دويه‌ته كورده‌گه کريه‌ێدە فیلم
لەی بارەوە دەرهاوەر و سیناریست شۆڕش قادر وە سایت چراتیڤی وتگه: " ڕويداگ ئی دەسدريژی کردنە کاریگەری فره‌ێگ لەبانم دروس کرد، هەر وه‌يخاترە له‌شوون تاوتوێکردن ئی باوەتە وه‌ل وەڕێه‌وبەر سایت چراتیڤی (ئازاد کوردی) بڕیاردام لە ماوەی فره كوڵێگ سیناریۆگە بڕه‌سنمە ئەنجام و دەسوەکار بووم ئه‌ڕا هەنگاو جێوەجێکردن ئی فیلمە".
هەميش وت: "سیناریۆیگ وه‌هێز ئه‌ڕا ئی فیلمە ئامادەکردمە ک لە مه‌ته‌ڵ فیلمەگە ئيچنه نیشان ئەدريه‌ێد وه‌خت دادگایی کردن ئی شەش تاوانبارە مناڵەگە مينه‌ی ناسنامەی ڕاسكانی باوگی ئه‌كا. يەيش یەکەم جارە ئيجووره باوەتێگ لە سینەمای کوردی بکريه‌ێدە فیلم".
ئاماژه‌يش وه‌وه كرد ك لە دەرفەتێگ نزیک پەیوەندی كريه‌ێده چەنه‌ها لایەن پەیوەندیدار ئه‌ڕا جێوه‌جێ كردن كاره‌گان ئی فيلمه.
له‌شوون ئەوەگ لە ڕويداگێگ نەخوازرياگ لە شار هەولێر شەش كه‌س دەسدريژی سێکسی کردنە بان دويه‌تێگ کورد ڕووژئاوای کوردستان ک لەدەس زوڵم و زوور ڕژيم سووریا و جه‌نگ ناوخوه‌ی ئەو وڵاتە وەرەو ناوچەیگ ئارام واێد و ڕوی لە باشوور کوردستان ئەکا، يەيش کاردانەوەی فره‌ێگ له‌شوون خوه‌ێ هاورد لەبان ئاست کوردستان.
ا. ج
