كووچبه‌ره‌يل موسڵ و گه‌ردين له‌ شوون مه‌عيشه‌ت

كووچبه‌ره‌يل موسڵ و گه‌ردين له‌ شوون مه‌عيشه‌ت
2017-05-04T09:17:00+00:00

شه‌فه‌ق نيوز/ مه‌ردم كووچبه‌ر  له‌ كه‌مپ ئه‌لخازر چووڵه‌وانى وه‌رفراوان له‌ باكوور عراق كوشكه‌يليگ له‌ جاده‌ واز كردنه‌و ده‌سكردنه‌سه‌ كاره‌يليگ ئه‌ڵلاجه‌وێ و پيشه‌يل تازه‌يگ تاقيه‌و ئه‌كه‌ن له‌وه‌ر خاتر په‌ياكردن رزقه‌يليان.

 

ئه‌يسه‌ر عيسا ده‌سكرده‌سه‌ پينه‌كردن كه‌وش وه‌خاتر بژيوى خيزانه‌گه‌ى ك پيكهاتنه‌ له‌ هه‌يشت كه‌س.

 

عيسا ئويشێد: خوه‌م و برايه‌يلم له‌ كه‌مپه‌گه‌ كار ئه‌كه‌يم له‌وه‌ر بژيوى و گوزرانمان و رووژانه‌ نزيكه‌ى 5 هه‌زار دينار عراقى ئه‌كه‌فێده‌ ده‌سمان(4.28 دۆلار)، وه‌لێ هويچ هه‌ڵبژارده‌يگ تر له‌وه‌رده‌ممان نيه‌ له‌ساى ناتوانايى گله‌وخواردنمان ئه‌را ئاوايه‌گه‌مان.

 

عيسا خوه‌ى و خيزانه‌گه‌ێ دوياى جه‌نگ ويرانكارى له‌ ئاوايه‌گه‌يان خورسباد له‌ باكوور موسڵ واين و ره‌سينه‌ كه‌مپه‌گه‌ جوور هه‌ر مه‌ردمان تر كووچبه‌ر وه‌بى پويل و هه‌وه‌جه‌يل تر ژيان.

 

يونس مه‌حمود گله‌و خواردگه‌ ئه‌را ده‌لاكى ك پيشه‌ى كويه‌ن خوه‌يه‌، ك يه‌يش پيشه‌يگه‌ ريكخرياگ ترۆريستى داعش مه‌رجه‌يل سه‌ختيگ ئه‌ڕاى دانان.

 

مه‌حمود ك ته‌مه‌نى 21 ساڵه‌، وت: له‌ به‌رته‌ڵه‌ كار ده‌لاكى كردمه‌، ه‌لێ هه‌ناى ريكخرياگ ترۆريستى داعش ده‌سڵات گرته‌ بان ناوچه‌گه‌ له‌ 2014، ريش تاشين قه‌يه‌غه‌ بوێ و ته‌نانه‌ت سه‌رتاشينيش مه‌رج ئه‌راى دانرياو منيش جورم دام و تويش جه‌ڵده‌يش هاتم له‌ئاكام ئه‌وه‌گ سه‌ر جايه‌ڵيگ وه‌ شيوه‌يگ تازه‌ تاشيم.

 

له‌ سه‌ره‌تاى ده‌سوه‌پيكردن په‌لاماره‌يل سه‌رباى له‌لايه‌ن هيزه‌يل حكومى عراقيه‌و وه‌ پشتگيرى هاوپه‌يمان ناوده‌وڵه‌تى شماره‌ى هاتن كووچبه‌ره‌يل ئه‌را كه‌مپه‌يل زياێ كرد.

 

شماره‌يل حكومى ك كومسيۆن باڵاێ نه‌ته‌وه‌يل يه‌كگرتگ ئه‌را كاروبار كووچبه‌ره‌يل بڵاوى كرد ئاماژه‌ وه‌ ئه‌وه‌ ئه‌كه‌ن ك فيشتر له‌ 500 هه‌زار كه‌س واينه‌ ئه‌را كه‌مپه‌يل و ناوچه‌يل ده‌ورگردى له‌ ئوكتۆبه‌ر/ ته‌شرين دويه‌مه‌و تائيسه‌.

 

وه‌ل ئه‌وه‌يشا له‌ ئاماره‌يل تر ريكخرياگه‌يل پزيشكى و ئنسانى، جه‌م گشتى كوشياگه‌يل و زه‌خمداره‌يل مه‌ده‌نى و سه‌ربازى وه‌ چه‌ن هه‌زار كه‌سيگ مه‌زه‌نه‌ كردنه‌.

 

نه‌شوان يوسف له‌ ئاوايى قه‌ره‌قۆش ك زوورم مه‌ردمه‌گه‌ى مه‌سيحيه‌ وايه‌ و روى له‌ ديم هه‌رێم كوردستان نيچمه‌ سه‌روه‌خوه‌ى كردگه‌.

 

يوسف ئيسه‌ له‌ كه‌مپ ئاشتى نيشتگه‌ له‌ سلێمانى و تويه‌نستگه‌ دوكانيگ ئه‌را خوه‌ى واز بكا وه‌ پشتگيرى كه‌نيسه‌ى مه‌سيحى.

 

ئمجا يوسف وت: هه‌ر وه‌ختيگ قه‌ره‌قۆش سه‌قامگير و ئه‌مان بوود گله‌و خوه‌م و ئه‌خوازم ماڵه‌ ويران كريايه‌گه‌م خاسه‌و بكه‌م و ته‌نانه‌ت ئه‌گه‌ر ناچاريش بووم چادريگ له‌ ده‌رماڵه‌گه‌م هه‌ڵده‌م و له‌تى نيشم تا وه‌ختيگ بتويه‌نم ماڵه‌گه‌م خاسه‌و بكه‌م.

 

Shafaq Live
Shafaq Live