پەلامارەیل فڕۆکەیل بێفڕۆکەوان و قەیران مووچە... هویردەکاری ئەو ٣٦ ساعەت نێچیرڤان بارزانیە لە بەغدا
سەردانیگ کە سەرۆک بارزانی ئەنجامی دا، ئەرا دانان گیچەڵە گیرهاتگەیل وەبان مێز دانوسەنین، و جەختکردن لە گرنگی چارەسەرکردنیان، فایلەیل تەنیا لە دووڕیانەگەی مووچەی فەرمانبەرەیل هەرێم سنوردار نەوی، باوجی زیاتر درویژەو بوین وەروو هەڕەشەی دڕۆنەیل و مووشەکەیل کە لەلایەن "فراکسیۆنەیل وەرخودان عراق"ەو وەشیەن، زووریش لەبان گرنگی وەخشین خەڵک کوردستان لە مەترسی ئی پەلامارەیلە کرد.
بارزانی، لە ناو دیدارەیلی وەرد وەرپرس و سەرکردەیل هیزە سیاسییەیل، جەخت لە گرنگی مقیەتیکردن ئاسایش و سەقامگیری عراق و نەکیشانی وەناو قەیرانەیل ناوچەگە کرد، و لەبان گرنگی خەرجکردن مووچەی دارایی ئەرا فەرمانبەرەیل هەرێم کوردستان کرد، و زیان نەڕەسانن وە ژیان گوزەرانی هاوڵاتیەیل.
لوتکەی سیاسی
بارزانی سەردانەگەی وە بەشداریکردن لە مەراسیم یاد فەرمی بە بوونەی “رووژ شەهید عراق”، ساڵیاد تیرۆرکردن ئایەتولڵا محمد باقر ئەلحەکیم دەسوەپی کرد، کە لە بەغدای پایتەخت وەڕیەو چگ، و سەرجەم سەرکردە سیاسییەیل عراق ئامادەی بوین.
سەرۆک هەرێم کوردستان لە وتاریگ بۆ سەرکردەیل پرۆسەی سیاسی کە لە مەراسیمەگە ئامادە بوین وت: ئەو پەلامارەیلە وەلایەن فراکسیۆنە چەکدارەیل وە ئامانجگرتن نوێنەرایەتییە دیپلۆماسیەیل و بنکەی هاوپەیمانی ناودەوڵەتی و بارەگایل هیز پێشمەرگە دەسوەپی کردیە، زیان وە گشت بازاڕەیل عراق رەسنێد.
نێچیرڤان بارزانی سەرۆک هەرێمی کوردستان لە وتارەگەی وتیش: پەلامارەگە لەبان نوێنەرایەتییە دیپلۆماسییەیل و هیزەیل هاوپەیمانان و پێشمەرگە، کار حکومەت شیونێد و ئاستەنگ خەێدە بان ڕێباز و بەرنامەیل و لە ئەنجامی چەن ئاڵۆزییگ فرەلایەنە لە عراق دروس بوود.
هەمیش وت "ئی پەلامارەیلە زیان فرەیگ وە ئاسایش و ژیان هاوڵاتیەیل هەرێم کوردستان رەسانیە، و دڵەڕاوکی و نائارامییگ بفراوان لە سەرجەم بازاڕەیل عراق دروسکرد و دەرفەت وە تیرۆریستەیل داعش بەخشی کە پەلاماریان خسترەو بکەن".
سەرۆک هەرێم لە قسەیلی وتیش: هیزەیل هاوپەیمانان لەبان داوای حکومەت عراق ئەرا نواگیریکردن داعش هاتنە، بایەسە دەرفەت بدرێد وە حکومەت فیدراڵی و سەرۆکوەزیرەیل عراق محمد شیاع سودانی تا گفتوگۆ وەردیان بکەێد وەگورەی پلانیگ هاوبەش و لە بنەمای بیوەیی و بی گیچەڵ وە ئامانج ڕێککەفتن لەبان بانان هاوکاری ناوەین هیزەیل هاوپەیمانان عراق.
١٥ دیدار
بارزانی وەرد محمد شیاع سودانی، سەرۆکوەزیرەیل فیدراڵی، عەبدولەتیف ڕەشید، سەرۆک کۆمار، فایق زەیدان، سەرۆک ئەنجومەن باڵای دادوەری، موحسین مەندەلاوی، سەرۆک ئەنجوومەن نوێنەرەیل بە وەکالەت و فالح فەیاز وەرپرس هیزەیل حەشد شەعبی گردەو بوی.
هەمیش گفتوگۆ وەرد سەرۆک هاوپەیمانی دەوڵەت یاسا، نووری مالیکی، سەرۆک عەسائیب ئەهل حەق، قەیس خەزعەلی، سەرۆک هاوپەیمان فەتح، هادی عامری، سەرۆک بزووتنەوەی حیکمە، عەمار حەکیم، سەرۆکوەزیرەیل وەرین عراق عادل عەبدولمەهدی، سەرۆک هاوپەیمان نەسر حەیدەر عەبادی، سەرۆک پارت تەقەدوم، محمد حەلبوسی، و سەرۆک هاوپەیمان عەزم موسەننا ئەلسەمەڕائی، و جەمال ئەلداری سکرتێر گشتی پڕۆژەی نیشتمانی عراق گردەو بوی، بیجگە لە باڵیۆز ئەمریکا لە عراق، ئالینا ڕۆمانۆڤسکی.
ئامانجەیل سەردانەگە
سەردانەگەی ئی دواییەی بارزانی ئەرا بەغدا وەگەرد نزیکەی گشت لایەنە سیاسییەیل عراق گردەو بوی، بەڵام سەرۆک هەرێم زوور لە گرنگی وەرگردن ئەو گردەوبوینەیلە جویر ئاسایی کرد کە وت: "وەو شیوەی ئیمە لەی جوگرافیا هەیمن، سروشتییە ئەرا ئیمە سەردان بەغدا بکەیمن باس گرفتەیل بکەیمن و تەقەلاس چارەسەریان بیەیمن”.
لەی سەردان بارزانی باس دوو تەوەر سەرەکی کرد، یەکەمیان پرس نان ژیان هاووڵاتیەیل هەرێم کوردستان بوی، ئەوەکە پەیوەندی وه پرس ئەمنی “پەلامار فڕۆکەیل بێفڕۆکەوان بوی لەبان هەرێم کوردستان”، و دڵنیایی وەپی دريا کە ئەوان لە ئایندەیگ نزیک چارەسەر کریەن.
یەکەم بەر
دویای گفتوگۆیل نێچیروان بارزانی، سەرۆک هەرێم کوردستان وەگەرد وەرپرسەیل بەغدا لەباوەت بودجە و مووچەی خەڵک کوردستان، کە حکومەتی فیدراڵ بڕیادا بەشیگ لە بودجەی هەرێم کل بکەن.
سەرچەوەیگ حکومی بڵاووکر ، بۆ مسۆگەرکردن موچەی فەرمانبەریل ڕێم کوردستان بڕ 615 ملیار دینار له حکومه تی فیدراڵی له به غدا کل کریاس .
-
